|
|||||||||||||
|
|
Helge har ordet |
||||||
Fyrste mål for sesongen var Nordvestmesterskapet som vart arrangert på Sandane. Ein 3. plass der fortel oss at også andre i korpsfamilien vår i fylket jobbar minst like godt som oss, og det gledar me oss over. Spesielt kjekt at Stryn vann, trur ikkje dei har vore vinnarar før. Og utbyttet vårt er stort, med å ta ei helg vekke i saman, møta og høyra andre korps, og ikkje minst prosessen fram mot mesterskapet. Det er den som utviklar oss. Me har og ein flattango etter festmiddagen og ein sykkeltur utpå natta som me huskar ei stund framover !!! Både adventskonserten og julekonserten gjev oss veldig gode tilbakemeldingar, denne gongen med Vibeke som sangsolist og sjarmerande skodespelarar i Sofie og Jesper som Lady og Landstrykaren. Mykje av det same programmet gjorde og stor lykke på Kulturveka i kyrkja. Etter nyttår gjer me ein veldig flott konsert under støttekonserten for Lærdal sjukehus, men det er naturleg nok samarbeidet og konserten med The Brazz Brother som me har full fokus på. Og det skulle bli ein heilt fantastisk opplevelse som kanskje overgjekk alt me turde håpa på. Øvingane med Brass-brødrene var ein opplevelse i seg sjølv, og sjølve konserten trur eg er noko av det flottaste eg har opplevd. Trampeklapp etter kvart einaste nummer er me ikkje vant til, og overraska også brass.brødrene. Legg me til grilling av 2 små-griser heima hjå oss, afrikansk dans og sang fra Tanzania i løpet av kvelden, ja da vert opplevelsen og minnene gode og rike. Midt opp i alt dette fullfører me med stil både sykkeldagen for banken og det tradisjonelle programmet til 1. og 17. mai. Tusen takk for ein flott og innholdsrik sesong alle sammen. Eg ynskjer alle ein god sommar, og gler meg til å møtast att til hausten. Lurer du på kva planar me har ? Du må møta for å få veta meir, og ta gjerne med andre du veit spelar eller har spelt eit instrument. Me har plass til alle… Helge |
|||||||
)
Øvre Årdal Janitsjarkorps --@-- ovreardal.janitsjarkorps@hotmail.no