|
|||||||||||||
|
|
Konsert og øvingshelg med Ole Edvard Antonsen |
||||||||||||||
Fredag 11.juni skulle me øva med Ole Edvard Antonsen og bandet hans. Bandet han hadde med seg var bror Tom Erik Antonsen, Atle Halstensen og Årdal sin eigen Per Hillestad. Alle er svært kjende namn i det norske musikkmiljøet. Det var nok ein svært spent gjeng som ankom øvingslokalet fredag ettermiddag. Eg trur me alle var ganske nervøse. Notane hadde me øvd på berre i eit par veker. Etter tre timar var Ole Edvard nøgd, og me var litt mindre anspente. Me hadde hatt ei svært inspirerande økt. Så kom laurdag og tid for konsert, og eg trur alle berre gledde seg. Nervene var nesten vekke. Det vart ei heilt fantastisk oppleving for oss som me ikkje heilt kan fatta at me har vore med på. Det går nok ei stund før me landar, og eg trur dei fleste var godt nøgde med eigen innsats. Men me må få trekka fram alle solistane: Sigyn Øren Helge Magne Haglund Jan Øren Daniel Vik Cristine Nyheim som alle gjorde ein strålande jobb. Må og få takka den utruleg engasjerte dirigenten vår Helge Øren. Utan han hadde me aldri komme på at dette kunne gå an ein gang. Ole Edvard Antonsen - heilt fantastisk. Det er utruleg kva han klarar å få til på instrumenta sine. Og det uten notar!! Reknar med at Landscapes er i alle cd spelarar no. Me har hatt ei kjempeflott helg, så tusen takk for at du tok deg tid til å komma inn her til oss. Me hadde det også kjekt etter konserten, og me vil takka Torgloftet for at dei var sporty og kom med flott koldtbord til oss etter konserten, sjølv om dei hadde litt liten tid på seg. Helsing ein 2. trompetist som berre kan drøyma om å få til ein liten brøkdel av det me har høyrt. Her er link til Steinar Drægni sin flotte omtale av konserten på Porten |
|||||||||||||||
)
)
)
Øvre Årdal Janitsjarkorps --@-- ovreardal.janitsjarkorps@hotmail.no